توراس عه‌زاوی قسه‌كه‌ر وه‌ناو پارێزگا ئه‌را (شه‌فه‌ق نيوز) وت: خوه‌ينيشانداين هه‌قيگ ده‌ستووريه‌ وه‌مه‌رجيگ له‌چوارچيوه‌ی ياسايی بوود، وه‌لی تومه‌تباركردن و خراوداين و له‌لايه‌ن كه‌سه‌يليگه‌و ك له‌بنه‌ڕه‌ته‌و به‌شدار بوينه‌ له‌ حكوومه‌ت ناوچه‌يی بايه‌سه‌ ڕی وشوون ياسايی ده‌رهه‌قيان له‌وه‌ر بگيريه‌يد، چوينكه‌ ده‌نگ توماركرياگ ئه‌و كه‌سه‌يله‌ ديريم ك له‌ رووژه‌يل گوزه‌يشته‌ له‌ڕێ كه‌ناڵه‌يله‌و تومه‌ت وه‌پيمان كردن و شكايه‌ت دادگايی له‌دژيان تومار ئه‌كه‌يم.

عه‌زاوی هه‌ميش وت: ئه‌وه‌ك به‌شدار بوود له‌ حكوومه‌ت ناوچه‌يی و دوياخريش له‌شوون چه‌ن ساڵيگ بايد و تومه‌تبارمان وه‌ گه‌ناته‌كار بكا خوه‌يشی به‌شيگه‌ له‌و گه‌ناته‌كاريه‌، ك ئايا له‌وه‌ر چه‌ وه‌ دريژايی ئه‌و ساڵه‌يله‌ بيده‌نگ بوی له‌بان ئه‌و گه‌ناته‌كاريه‌ ك قسه‌ له‌بانی ئه‌كا؟

ج . أ