شه‌فه‌ق نيوز/ خوه‌ينيشانده‌ره‌يل له‌ پاريزگاى واست, ده‌زگاى وزه‌ى حه‌رارى سه‌ر وه‌ وه‌زاره‌ت كاره‌با ئه‌را سێيه‌مين روژه‌ له‌بان يه‌ك به‌سانه‌.

يه‌يش له‌وه‌ختيگ زويتر پاريزگار واست باس له‌وه‌ كرد كارمه‌نديل ويستگه‌ى حه‌رارى زوبه‌يدى تويش ده‌سدريژى هاتنه‌ دوياى ئه‌وه‌گ رێگرى له‌ليان كريا له‌لايه‌ن خوه‌ينيشانده‌ره‌يله‌و ئه‌را ئه‌وه‌گ نه‌چنه‌ بان كاره‌يليان.

پاريزگار واست له‌ به‌ياننامه‌يگ وت: ئويشميمنه‌ راى گشتى ك خوينيشانده‌ره‌يل ماف خوه‌يان خوه‌ينيشنداين ئاشتيانه‌ بكه‌ن و داواى مافه‌يل ره‌واى خوه‌يان بكه‌ن، وه‌لێ ده‌سدريژى له‌بان ده‌زگايه‌يل ده‌وڵه‌ت له‌ به‌رژه‌وه‌ندى هويچ كه‌سيگ نيه‌و ريگره‌ له‌ ره‌سين خزمه‌تگوزارى ئه‌را هاووڵاتيه‌يل و بايه‌سه‌ له‌بان گشتلايگ يه‌كڕز بوون له‌وه‌رده‌م هه‌ر ده‌سدريژييگ ئه‌را زه‌ره‌د ره‌سانن وه‌ به‌رژه‌وه‌ندى گشتى جوور ئه‌وه‌گ مه‌رجه‌عيه‌ى باڵاى ئايينى بانگه‌واز ئه‌راى كرد.