سعودیە بەرزترین رێژەى تویشبوين تۆمار کرد و مردنيش وه کۆڕۆنا له ئیران کەمەو بوێ
شەفق نیوز/ ئمڕوو پەنجشەممە، سعودیە بەرزترین رێژە لە توشهاتگەیل کۆڕۆنا تۆمار کرد لە وەخت بڵاوبوین پەتاگە ، ئیرانیش کەمەوبوین رێژەی كردن روژانەی تویشهاتگه‌یل راگەیان.
مەحەمەد عەبد عالی قسەکەر وەناو وزارەت تەندروسی سعودیە باس لە تۆمارکردن ١٧٩٣ تویشهاتگ نوو وە ڤاێڕۆس کۆرۆنا کرد تا ژماره‌ی گشتی تویشهاتگەیل بڕەسێدە ٣٣٧٣١ کەس. وتیش ئمڕوو ١٠١٥ خاسەوبوی تۆمار کریاگ تا گشتی بودە 7798كه‌س .
لە راپۆرت روژنامەوانی روژانەگە ئاماژە وە ١٠ مردگ نوو دا وه ڤاێڕۆس کۆڕۆنا ك تەنیا یەک کەسیان سعودی بوی، وەیەوە هەژمار مردگەیل بودە ٢١٩ .
قسەکەرەگە هەمیش وت ک هاڵەتەیل سەخت ١٤٥ کەسن، وگشت هاڵەتەیل گورجه‌و بی لە ڤاێڕۆسەگە ٢٥٧١٤ کەسە. ولە باوەت تویشهاتگەیل نوو ئمڕوو دیاری کرد ک ١٧ مایەن و٢٥ نیر و پەنجیان مناڵە.
لە ئیران ، وزارەت تەندروسی لە تۆمارکردن ١٤٨٥ تویشهاتگ نوو وە ڤاێڕۆسەگە خه‌وردا تا ژماره‌ی گشت تویشهاتگیەلە بونە ١٠٣١٣٥كه‌س.
کیانوش جهانبور، بەرپرس ناوەند راگەیانن لە وزارەت تەندروسی ئیران وت؛ لە خود ماوەگە ٦٨ مردگ تۆمار کریاو ژماره‌ی گشت مردگەیل بونە ٦٤٨٤ کەس. جهانبور باس لە خاسەوبوین ٨٢٧٤٤ کەس کرد
