قوربانيه‌يل په‌لاماره‌گه‌ى كۆمپانياى به‌رهه‌مهاوه‌ره هونه‌ريه‌گه‌ى كه‌ڕاده ئاشكرا كريا
2019-11-18 08:16:25
شه‌فه‌ق نيوز/ سه‌رچه‌وه‌يگ وه‌رپرس ئه‌منى، ئاشكراى ئه‌وه كرد كه‌سيگ كوشياگه‌و يه‌كيگيش زه‌خمدار بويه له‌و په‌لامار مووشه‌كييه ك كۆمپانياى به‌رهه‌مهاوردن هونه‌رى و ميديايى له ناوچه‌ى كه‌ڕاده گرته‌سه ئامانج له به‌غداى پايته‌خت.
سه‌رچه‌وه‌گه وت: ئه‌و مووشه‌كه كه‌فته‌سه بان باڵه‌خانه‌ى كۆمپانياى"دقة الرؤيا" ئه‌را به‌رهه‌مهاوردن هونه‌رى و ميديايى ك په‌خش ئه‌را كه‌ناڵه‌يليگ ئه‌كا له‌وانه‌يش BBC و NRT و ئه‌لعه‌ره‌بى و كه‌ناڵه‌يل تر وه‌ل مه‌وقعيگ وێنه‌گرتن له ناوچه‌ى كه‌ڕاده له به‌غدا.
سه‌رچه‌وه‌گه هه‌ميش وت: ئه‌و مووشه‌كه له ناوچه‌ى كه‌مپ ساره له كويچه‌ى 910 له نزيك جاده‌ى ناوده‌ه‌وڵه‌تى محه‌مه‌د ئه‌لقاسمه‌و وه‌شرياگه ك له‌تى كه‌سيگ كوشياگه‌و يه‌كيگيش زه‌خمدار بويه.
