له ئاكام ٦ ته‌قينه‌وه له به‌غدا ٧٠ كوشياگ و زه‌خمدار كه‌فته‌و
سه‌رچه‌وه‌يل ئاسايشی ئه‌را(شه‌فه‌ق نيوز)ئه‌وه ده‌رخست ك ده‌مه‌و شه‌وه‌كی ئمڕوو سه‌ياره‌يگ مينڕيژكرياگ له جاده‌ی هادی له‌ناوچه‌ی كفاح ته‌قيه‌سه‌وه‌و بويه‌سه بايس كوشيان ٥ كه‌س و زه‌خمداربوين ١٥ كه‌س تر، ك له‌شوون ئه‌وه‌يش سه‌ياره‌يگ تر مينڕيژكرياگ له نزيك كومپانيای زلال تايبه‌ت وه سه‌ياره‌يل ته‌قيه‌و چوار كه‌س كوشتگه‌و ٢٠ كه‌سيش زه‌خمدار كردگه.
هه‌مان سه‌رچه‌وه‌يل ئاماژه وه كوشيان ٣ كه‌س و زه‌خمداربوين ٧ كه‌س تر كرد له‌ئاكام ته‌قينه‌وه‌ی سه‌ياره‌يگ تر مينڕيژكرياگ له نزيك ئه‌نجوومه‌ن پاريزگای به‌غدا له‌ناوچه‌ی ساڵحيه‌و له هه‌مان وه‌خت ئاماژه وه كوشيان ٣ كه‌س و زه‌خمداربوين ١١ كه‌س تر كرد له ئاكام ته‌قينه‌وه‌يگ تر له نزيك په‌روه‌رده‌ی كه‌رخ دويه‌م له‌ناوچه‌ی به‌ياع، يه‌يش بيجگه زه‌خمداربوين ٣ كه‌س تر له ئاكام ته‌قينه‌وه‌ی مين له‌چاڵنرياگ له ناوچه‌يل به‌غداد جديده‌و حسه‌ينيه‌و مه‌حموديه.
جی باسه، سه‌رچه‌وه‌يل پزيكييش ئه‌را(شه‌فه‌ق نيوز)ئاشكرای ئه‌وه كرد ك نه‌خوه‌شخانه‌يل به‌غدا پيشوازی له نزيكه‌ی ١٥ كوشياگ و ٥٥ زه‌خمدار كردنه له‌وه‌خته‌يل جياجيا.
ج . أ
