له‌ به‌ياننامه‌ی حكوومه‌ت هه‌رێم كوردستان ئه‌را (شه‌فه‌ق نيوز) له‌ زووان جه‌بار ياوه‌ر قسه‌كه‌ر وه‌ناو سه‌ركردايه‌تی هێزه‌يل پاسه‌وان هه‌رێم، ئه‌وه‌ ده‌ركه‌فت ك حكوومه‌ت ناوه‌ندی له‌بان ئاست به‌رزترين ئاست فه‌رمان به‌سانن ئه‌و شكايه‌ت دادگاييه‌ دريا ك سه‌عدون دلێمی وه‌زير وه‌رگری عراقی وه‌ وكاله‌ت دژ سه‌رۆك حكوومه‌ت هه‌رێم و وه‌زير پێشمه‌رگه‌ به‌رزيه‌و كرد.

له‌ به‌ياننامه‌گه‌ يه‌يش ده‌ركه‌فت، ك زويتر نويسينگه‌ی وه‌زير پێشمه‌رگه‌ وه‌ بڕياريگ له‌ دادگای كه‌رخ له‌ به‌غدا ئاگادار كريا ئه‌را ئه‌وه‌ك نێچيرڤان بارزانی سه‌رۆك حكوومه‌ت هه‌رێم و جه‌عفه‌ر مسته‌فا وه‌زير پێشمه‌رگه‌ ئاماده‌ی‌ ئه‌و دادگا بوون له‌ئاكام ئه‌و شكايه‌ت دادگاييه‌ ك به‌رزه‌و كريا له‌لايه‌ن وه‌زير وه‌رگری عراقی وه‌ وكاله‌ت و هه‌رله‌وه‌ر ئه‌وه‌يش ديوان سه‌رۆكايه‌تی هه‌رێم و حكوومه‌ت هه‌رێم و وزاره‌ت پێشمه‌رگه‌ په‌يوه‌ندی ته‌له‌فۆنی كردنه‌ ده‌سڵاته‌يل به‌رز بڕيارداين له‌ حكوومه‌ت ناوه‌ندی و له‌ڕێ كه‌ناڵه‌يل فه‌رمی و له‌ئاكام ئه‌و په‌يوه‌ندييشه‌ بڕيارگورجيگ ده‌رچی له‌لايه‌ن ده‌سڵات حكوومه‌ت ناوه‌ندی و فه‌رمان به‌سانن ئه‌و دوسيه‌ی دادگاييه‌ دا، ك وه‌ی خاتريشه‌ له‌لايه‌ن ئه‌ميندارێتی گشتی ئه‌نجوومه‌ن وه‌زيره‌يله‌و ئاگادار كريايم ئه‌و شكايه‌ته‌ به‌سياگه‌.

ج . أ