شه‌فه‌ق نيوز/ عه‌بدولفه‌تاح ئه‌لسيسى سه‌رۆك مسرى له‌ لاپه‌ڕه‌ى تايبه‌ت خوه‌ى له‌ توێته‌ر، وت: ده‌وڵه‌ت قه‌ته‌ر وه‌رده‌وامه‌ له‌ پشتگيريكردن جه‌ماعه‌ت ئخوان ئه‌لموسلمين ترۆريستى و ئيسه‌يش وه‌خت سزاداينى هاتگه‌.

ئى لێدوان سه‌رۆك مسريه‌ دوياى ئه‌وه‌ هات ئاژانس هه‌واڵه‌يل له‌ زووان شێخ تميم بن حه‌مه‌د ئال دويه‌م ئه‌مير قه‌ته‌ر وت: ئيمه‌ ئستنكار ئه‌و تومه‌ته‌يله‌ ئه‌كه‌يم ك باس له‌ پشتگيرى ترۆر ئه‌كه‌ن ك هه‌رچه‌نى ئيمه‌ به‌شداريم له‌ هاوپه‌يمان ناوده‌وڵه‌تى دژ داعش و ئه‌راهويچ كه‌سيگ نيه‌ تومه‌ت ترۆر وه‌پيمان بكا.

جى باسه‌، قه‌ته‌ريش له‌لايه‌ن خوه‌يه‌و داوا له‌ مسر و ئيمارات و به‌حره‌ين كرد مراجعه‌ت خوه‌يان بكه‌ن ك دژى هه‌ڵويست ديرن و هه‌ر وه‌و خاتريشه‌ وت: تومه‌ته‌يل دوباره‌كرياێ هويچ خزمه‌تيگ وه‌ په‌يوه‌نديه‌يل و به‌رژه‌وه‌نديه‌يل هاوبه‌ش ناڕه‌سنێد و قه‌ته‌ريش ده‌خاڵه‌ت له‌ كاروبار هويچ وڵاتيگ ناكا.