ئه‌مريكا خوازياره قه‌يه‌غه‌ێ گه‌شت هاووڵاتيه‌يل 6 ده‌وڵه‌ته‌گه جيوه‌جێ بكريه‌ێد
شه‌فه‌ق نيوز/ هووكاره‌يل ره‌سانن ئه‌مريكى باس له‌وه كردن ك ماڵ چه‌رمگ داوا له دادگاى باڵاێ ئه‌مريكى كردگه له‌نوو فه‌رمان قه‌يه‌غه‌ێ گه‌شت له‌بان هاووڵاتيه‌يل 6 ده‌وڵه‌ت كارا بكا ك زوورم مه‌ردمه‌يليان موسڵمانن.
وه‌رجه ماوه‌يگ دادگايه‌يلبويچگرتر له دادگاێ باڵا فه‌و فه‌رمانه وسانن ك دوناڵد ترامپ سه‌رۆك ئه‌مريكا داره‌ێ له‌باوه‌ت قه‌يه‌غه‌ێ گه‌شت هاووڵاتيه‌يل ئه‌و ده‌وڵه‌ته‌يله ئه‌را وڵاته‌يل يه‌كگرتگ و جوور جياكارييگ دژ موسڵمانه‌يل تاريفى كردن، وه‌لێ دوباره ئداره‌ى ئه‌مريكى دو داواكارى هه‌ڵه‌په‌ڵه پيشكه‌ش كرد ئه‌را لاوردن ئه‌و حوكمه‌يله ك له‌و دادگايه‌يله‌و دره‌چى و له‌تيان دوباره داواى كاراكردن و جيوه‌جيكردن ئه‌و فه‌رمانه كرد.
جى باسه، دلدگاى باڵاێ ئه‌مريكى ئه‌تويه‌نێد حوكم كووتايى ده‌ربكا له باره‌ى لاوردن ئى فه‌رمانه يا جيوه‌جيكردنى و له هه‌مان وه‌خت حكومه‌ت ئه‌مريكييش ئه‌تويه‌نێد شكايه‌ت له‌ناكاو پيشكه‌ش بكا و ئى مه‌سه‌له بخاده خانه‌ێ جيوه‌جيكردن تا وه‌ختيگ بڕيار دادگايى وه ته‌مامى ده‌ركريه‌ێد.
