ئه‌مريكا له‌وه‌ر له‌ناوبردن داعش كار وه‌ل ده‌وڵه‌ته‌يل ئسلام ئه‌كا
2017-03-01 06:45:00
شه‌فه‌ق نيوز/ دۆناڵد ترامپ سه‌رۆك ئه‌مريكى ئاشكراى ئه‌وه كرد ك خوازياره كار وه‌ل ده‌وڵه‌ته‌يل ئسلام هاوپه‌يمان بكا وه‌خاتر له‌ناوبردن ريكخرياگ ترۆريستى داعش.
ترامپ له وتاريگ له‌وه‌رده‌م كۆنگرس وت: جوور ئه‌وه‌گ قه‌وڵ دام، داوا له وزاره‌ت وه‌رگرى كردم پلانيگ ئه‌را له‌ناوبردن ريكخرياگ داعش جيوه‌جى بكاو كار وه‌ل هاوپه‌يمانه‌يلمان ئه‌كه‌يم وه‌تايبه‌ت دووسه‌يلمان و هاوپه‌يمانه‌يلمان له جه‌هان ئسلامى له‌وه‌ر راوناين و له‌ناوبردن ئه‌و ريكخرياگ ترۆريستيه.
جى باسه، ترامپ هه‌ميش وت: ئه‌ركمان ئه‌وه‌سه خزمه‌ت و مقه‌يه‌تى و وه‌رگرى له هاووڵاتيه‌يل وڵاته‌يل يه‌كگرتگ بكه‌يم و ئيمه پلانه‌يل بته‌ويگ ديريم ئه‌را مقه‌يه‌تيكردن ملله‌تمان له ترۆر راديكاڵى.
