شه‌فه‌ق نيوز/ نه‌ته‌وه‌يل يه‌كگرتگ ئاشكراى ئه‌وه‌ كرد ك په‌نج له‌سه‌د له‌ په‌نابه‌ره‌يل له‌وانه‌گ هه‌وه‌جه‌ وه‌ جيگيركردن ديرن له‌ ده‌وڵه‌ته‌يل خوه‌رئاوا ماڵه‌يل تازه‌ دينه‌سه‌و له‌ماوه‌ى ساڵ گوزه‌يشت، يه‌يش له‌وه‌ختيگ ئه‌مريكا له‌ شماره‌ى ئه‌و په‌نابه‌ره‌يله‌ كه‌مه‌و ئه‌كا ك رێ وه‌پيان ئه‌دريه‌ێد بچنه‌ ناو خاكه‌يلى له‌ سه‌رده‌م دۆناڵد تره‌مپ سه‌رۆك ئيسه‌.

نه‌ته‌وه‌يل يه‌كگرتگ وت: وڵاته‌يل يه‌كگرتگ پيشوازى له‌ 17113 په‌نابه‌ر كردگه‌ ك له‌ساڵ 2018 دوباره‌ جيگير كريانه‌، وه‌لێ ئى شماره‌يله‌ كه‌متره‌ له‌چه‌و وه‌رگرتن په‌نابه‌ره‌يل ك له‌ساڵ 2017 قه‌بول كريانه‌و ره‌سيه‌سه‌ 24559 په‌نابه‌ر، ك ئه‌ويش يه‌كه‌مين ساڵ تره‌مپ بوێ له‌ پۆسته‌گه‌ێ.

له‌ى باوه‌تيشه‌و، شه‌هيبه‌ مانتۆ قسه‌كه‌ر وه‌ناو كۆمسيۆن كاروبار په‌نابه‌ره‌يل له‌ نه‌ته‌وه‌يل يه‌كگرتگ وت: هه‌رچه‌نى ئاواره‌يل فريه‌يگ هه‌ن له‌بان ئاست جه‌هان، وه‌لێ ته‌نيا 4،7 له‌سه‌د جواو داواكارى په‌نابه‌ره‌يل درياسه‌و ئه‌را دوياره‌ جيگيركردنيان له‌بان ئاست جه‌هان له‌ساڵ 2018.