ئه‌مريكا مه‌رج له‌بان په‌نابه‌ره‌يل لاورد
شه‌فه‌ق نيوز/ وزاره‌ت خارجيه‌ى ئه‌مريكى مه‌رجه‌يلى له‌بان شماره‌ى ئه‌و په‌نابه‌ره‌يله لاورد ك ڕى وه‌پيان ئه‌دريه‌ێد بچنه ناو وڵاته‌يل يه‌كگرتگ، ك هه‌رچه‌نى ئداره‌ێ ئيسه‌يش هه‌وڵ ئه‌را كه‌مه‌وكردن مه‌سه‌له‌ێنيشته‌جيكردنيان ئه‌ياد.
له‌ى باوه‌ته‌و، جنێفه‌ر سميس وه‌پرس له خارجيه‌ى ئه‌مريكى له لێدوانيگ ك له‌لايه‌ن رووژنامه‌ێ "نيويۆرك تايمز" ئه‌مريكى بڵاو كريا، ئاگادار جه‌ماعه‌ت په‌نابه‌ره‌يل كرد وه‌ى بڕياره، ئه‌ويش له نامه‌يگ وه پۆست ئه‌لكترۆنى و له‌تى ئه‌وه ده‌رخست ك له ئيسه‌و دويا ده‌س ئه‌كه‌ن هاوردن په‌نابه‌ره‌يل ئه‌را وڵاته‌يل يه‌كگرتگ وه‌بى مه‌رج وه به‌ش هه‌فتانه‌ێ كار وه‌پيكرياێ.
رووژنامه‌گه وت: زوورم ريكخرياگه‌يل ك ئه‌و نامه وه‌رگرتنه ئاژانسه‌يل تايبه‌ت بوينه‌و ده‌سميه‌ت مه‌ردمان ئوميده‌وار ئه‌كه‌ن ئه‌را چگن وه‌ناو وڵاته‌گه له‌ڕى جيوه‌جيكردن بڕيار ئه‌را ماوه‌ى دو ساڵ.
جى باسه، يه‌كيگ له وه‌رگريكه‌ره‌يل له مه‌سه‌له‌ێ په‌نابه‌ره‌يليش ئه‌را رووژنامه‌گه ئاماژه وه ئه‌وه كردگه ك شماره‌ى په‌نابه‌ره‌يل ئه‌را وڵاته‌يل يه‌كگرتگ له‌وه‌ر لاوردن مه‌رج زياێ ئه‌كاو شايه‌ت شماره‌يان له 830 كه‌س بڕه‌سێده فيشتر له 1500 كه‌س له هه‌فته‌يگ.
