ئه‌مريكا وشدارێ دا هاووڵاتيه‌يلێ گه‌شت وه‌ره‌و ئيران نه‌كه‌ن
شه‌فه‌ق نيوز/ وڵاته‌يل يه‌كگرتگ ئه‌مريكى له باره‌ێ گه‌شتكردن وه‌ره‌و ئيران وشدارێ دا هاووڵاتيه‌يلێ، ئه‌ويش وه‌و خاتره نه‌ك ده‌سوه‌سه‌ر يا ده‌سگير بكريه‌ن.
خارجيه‌ێ ئه‌مريكى له به‌ياننامه‌يگ ئه‌را هاووڵاتيه‌يلێ له ده‌يشت وڵاته‌يل يه‌كگرتگ، وشدارێ دا گه‌شت ئيران نه‌كه‌ن نه‌وه‌ك تويش مه‌ترسيه‌يل گرتن بان يا ده‌سوه‌سه‌ر بكريه‌ن.
جى باسه، به‌ياننامه‌گه هه‌ميش و: ئه‌و بيگانه‌يله ك ره‌گه‌زنامه‌يل تر ديرن بيجگه ره‌گه‌زنامه‌ێ ئيرانى، ده‌سگير ئه‌كريه‌ن يا نواگير ده‌رچگن له ئيران له‌لێ ئه‌كريه‌ێد، ك وه‌و خاتريشه بايه‌سه له‌بان هاووڵاتيه‌يل ئه‌مريكى خوه‌يان له‌ى مه‌ترسيه‌يله دوير بخه‌ن و دوياخستن گه‌شت ئه‌را ته‌هران بخه‌نه هوير خوه‌يان و له هه‌مان وه‌خت ئاموژگارێ ئه‌وانه‌يش كرد هانه ئيرانه چه‌ودێرێ هه‌واڵ و بار ناوخوه‌يى بكه‌ن، چوينكه ده‌سڵاته‌يل ئيرانى وه ناهه‌ق زيندانى ئه‌مريكيه‌يل ئه‌كا وه‌تايبه‌ت ئيرانيه‌يل ئه‌مريكى و له‌وانه‌يش رووژنامه‌نويسه‌يل و بازرگانه‌يل و خوه‌ندكاره‌يل زانكۆيى وه تومه‌ت سيخوڕێ و هه‌ڕه‌شه له‌بان ئاسايش نيشتمانێ.
