ئه‌مريكا وه‌پياچگنه‌وه له سزايه‌يلى دژ ئيران ئه‌كا
2020-04-01 09:07:35
شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكا، باسيگ له ئه‌گه‌ره‌يل هويره‌وكردن وڵاته‌گه‌ى له كه‌مه‌وكردن سزايه‌يل له‌بان ئيران و ده‌وڵه‌ته‌يل تر كرد له‌وه‌ر ده‌سميه‌تداينيان له روێ وه‌ڕوێ بوينه‌وه‌ى ڤايرۆس كۆرۆنا، وه‌بى پيشكه‌شكردن ئاماژه‌يگ دياريكرياێ له‌و باوه‌ته‌و.
په‌مپيۆ له لێدوانه‌يليگ ئه‌را رووژنامه‌نويسه‌يل، جه‌خت له ده‌سميه‌ته‌يل ئسانى وپزيشكى كرد ناكه‌فنه وه‌ر ئه‌و سزايه‌يله ك واشنتۆن چه‌سپانه‌سه‌ى له‌بان ته‌هران دوياى خوه‌يكيشانه‌وه‌ى دۆناڵ تره‌مپ سه‌رۆك ئه‌مريكا له ريككه‌فتن ئه‌تۆمى ك ساڵ 2015 ئمزاى كرياگه وه‌ل ئيران.
په‌مپيۆ هه‌ميش وت: ئيمه گشت سياسه‌ته‌يلمان وه وه‌رده‌وامى له‌وه‌رچه‌و ئه‌گريم و هويره‌و ئه‌كه‌يم له هه‌ڵويستمان له‌باره‌ى كه‌مه‌وكردن سزايه‌يل.
