شه‌فه‌ق نيوز/ ليژنه‌يگ له‌ ئه‌نجومه‌ن پيره‌يل ئه‌مريكا لايه‌نگرى بڕيار چه‌سپانن سزايه‌يل له‌بان توركيا ئه‌كا وه‌بوونه‌ى په‌لاماره‌يل ئى دوياخريه‌ ئه‌را بان باكوور سورياو سه‌ندن سيسته‌م وه‌رگرى ئێس 400 مووشه‌كى رووسى.

ليژنه‌ى په‌يوه‌نديه‌يل خارجى له‌ ئه‌نجومه‌ن پيره‌يل ك له‌لايه‌ن كۆماريه‌يله‌و سه‌رۆكايه‌تى ئه‌كريه‌يد وه‌ 18 ده‌نگ وه‌رانوه‌ر 4 ده‌نگ له‌ به‌رژه‌وه‌ندى خستنه‌ڕوێ ياساى پته‌وكردن ئاسايش نه‌ته‌وه‌يى ئه‌مريكى و نواگيرى له‌ ده‌ركه‌فتنه‌وه‌ى ريكخرياگ داعس له‌ساڵ 2019 ئه‌را ده‌نگداين له‌ ئه‌نجومه‌ن وه‌گشت دامه‌زرياگيگيه‌وه‌.

له‌ى باوه‌تيشه‌و جيم ريش سيناتۆر ئه‌مريكى و سه‌رۆك ليژنه‌گه‌ وت: ئيسه‌ وه‌خت ئه‌وه‌ هاتگه‌ ئه‌نجومه‌ن پيره‌يل ته‌حه‌دا بكاو نه‌ف له‌ى ده‌رفه‌ته‌ وه‌ربگرێد ئه‌را ئاڵشتكردن ره‌فتار توركيا.