ئيران له‌باره‌ى ده‌س له‌كاركيشانه‌وه‌ى حه‌ريرى هه‌ڵويست نيشاندا
2019-10-30 07:59:45
شه‌فه‌ق نيوز/ ئيران قسه له‌باره‌ى ده‌س له‌كاركيشانه‌وه‌ى سعه‌د حه‌ريرى سه‌رۆك وه‌زيره‌يل لوبنانى كرد و ئوميد خواست لوبنان ئى قۆناغ مه‌ترسيداره بووڕێد و له هه‌مان وه‌خت جه‌خت له خواست يه‌كگرتگى نيشتمانيه‌گه‌ێ كرد.
له‌و باوه‌ته‌و, عه‌باس موسه‌وى قسه‌كه‌ر وه‌ناو خارجيه‌ى ئيرانى له لێدوانيگ رووژنامه‌گه‌رى وت: ئوميده‌واريم لوبنان وه حكومه‌ت و ملله‌تيه‌و بتويه‌نن ئى قۆناغ مه‌ترسيدار و حه‌ساسه وه سه‌ركه‌فتگى و هاوكارى بپه‌ڕننه‌و.
موسه‌وى جه‌ختيش له‌بان ئارامى و سه‌قامگيرى لوبنان كرد و ئاماژه وه‌يه‌يش كرد ئيران جه‌خت له خواست هاوكارى و يه‌كگرتگى گشت تايفه‌و حزب و كه‌سايه‌تيه‌يل لوبنانى ئه‌كا وه ئامانج مقه‌يه‌تيكردن له‌بان سه‌قامگيرى و ئاسايش له‌و وڵاته.
