ئيران هه‌ڕه‌شه‌ێ خوه‌يكيشانه‌وه له ريككه‌فتن ئه‌تۆمێ كرد
2017-08-15 08:43:00
شه‌فه‌ق نيوز/ حه‌سه‌ن روحانى سه‌رۆك ئيرانى، وشدارێ ئه‌وه دا ك وڵاته‌گه‌ێ خوه‌ێ له ريككه‌فتن ئه‌تۆمى كيشێده‌و له حاڵه‌تيگ ئه‌گه‌ر وڵاته‌يل يه‌كگرتگ وه‌رده‌وام بدێ له سياسه‌ت سزاداين و فشارخستن.
روحانى له وته‌يگ ك له ئه‌نجومه‌ن شورا باسێ كرد و له ته‌له‌فزيۆن بڵاو كريا وت: ئه‌زموون سزايه‌يل و فشار شكه‌ست ئداره‌ێ وه‌رين هاورده بان مێز دانيشتن و گفتگوو.
جى باسه، روحانى هه‌ميش وت: ئه‌گه‌ر وڵاته‌يل يه‌كگرتگ بخوازێد گله‌و بخوه‌ێد ئه‌را ئى ئه‌زموونه، ئه‌وه ئيمه‌يش بيگومان گله‌و ئه‌خوه‌يم له ماوه‌ێ كه‌م هه‌فته‌يليگ يا مانگه‌يليگ، به‌ڵكوو كه‌متر له‌وه‌يش له ماوه‌ێ چه‌ن سه‌عات و چه‌ن رووژيگ ئه‌را بار وه‌رينمان، وه‌لێ وه هيزيگ فريه فيشتر له جاران.
