ئيمارات چگن بيگانه‌يل ئه‌را ناو وڵاته‌گه قه‌يه‌غه كرد
2020-03-19 08:35:51
شه‌فه‌ق نيوز/ ئيمارات باس له‌وه كرد ك چگن بيگانه‌يل ئه‌را ناو وڵاته‌گه و گه‌شت هاووڵاتيه‌يلى ئه‌را ده‌يشت وڵات قه‌يه‌غه ئه‌كاو بايه‌سه له‌بان هه‌ركه‌سيگ له ده‌يشته‌و هاتگه ئه‌را ماوه‌ى دو هه‌فته خوه‌ى كه‌ره‌نتين بكا له‌وه‌ر بته‌وكردن رێ وشوونه‌يل بڵاوبوينه‌وه‌ى ڤايرۆس كۆرۆنا.
ئيمارات ك ناوه‌ند سه‌ره‌كى گوزه‌ركردن ئاسمانى و ناوه‌ند گه‌شتيارى و كاره‌يله له ناوچه‌گه، وت: بايه‌سه له‌بان هه‌ركه‌سيگ روێ له ئيمارات ئه‌كا، پابه‌ند بدێ وه ماوه‌ى كه‌ره‌نتينه له‌و شوونه ك وجوود له‌تى ديرێد ئه‌را ماوه‌ى 14 رووژ.
جى باسه، ئيمارات قه‌يه‌غه‌ى گه‌شت له هاووڵاتيه‌يلى كرد ئه‌را ده‌يشت وڵات تا وه‌ختيگ ناديار و قه‌يه‌غه‌ى بيگانه‌يليش كرد له هاتن ئه‌را ناو وڵاته‌گه.
