ئیسرائیل لە سوریا بۆمباران حزبوڵا كرد
شەفەق نیوز/ لەساعەتیگ کەمتر لە ئامانج گردن باره‌گایه‌یل حزبوڵا لە درعای باشوور سوریا، دووارە، روژ جومعە، بۆمباران ئیسرائیل دەس کردە پی، لە ری حومس ـ تەدمور، وەگورەی خه‌وه‌ر رەوانگەی ماف مرۆڤ سوری.
دیاریش کریا، ک له بۆمباران نوویگە ئەرا ئیسرائیل، مه‌شجه‌ب چەک حزبوللا كریا ئامانج، لە کەمپ ( حەسەن بن هەیسەم) لە حومس وچواردەوری و رممەی ته‌قین تونێگە ژنەفیا و شوون ئه‌ڵگرتن چه‌ك ویران كریا وپارچەیل گولە وەرەو ناو شار حومس باڵەو گردن. وەرجە ئەوەیش بەرخودان هەواییگ بی، وەک هەوڵدانیگ ئەرا شکانن پەلامارە نووەگە.
جی باسە ک ئیسرائیل چەنها جارە لەی ساڵەیل وەرینه، پەلامار شونەیل و کاروانەیل حزبوڵا دەێد، ک هەسی گەورایگ لە بەشەگە دیرێد، ک هالە ژیر کۆنتڕۆڵ سوریا، لە به‌رزاییه‌یل جوولان.
وەرجە دوو هەفتەیش، فڕۆکەیگ بیفڕۆکه‌وان ئیسرائیلی، ماشینیگ کردە ئامانج، هێز چەگداریگ لە حزبوڵا هەڵگردوێد لە باشوور سوریا.
دویای ئوە وە چەن روژێگ، ئیسڕائیل پەلامار ناوڕاس سوریا دا، نزیک شار تەدمور مێژوویی، ئەرا ده‌سوه‌شانن له چەن شوینێگ ک دەزگای هەواڵگری ئویشێد شوون سەرکردەیل باڵەیل سه‌روه ئیرانە، وەگورەی رۆیتەرز.
