شه‌فه‌ق نيوز/ سه‌رچه‌وه‌يگ ئاگادار له‌ ريكخرياێ وزه‌ى ئه‌تۆمى، ئاشكراى ئه‌وه‌ كرد رێ وشوونه‌يل په‌يوه‌س وه‌ وسانن بڕيگ پابه‌ندبوين ئيران له‌ چوارچێوه‌ى ريككه‌فتنه‌ ئه‌تۆميه‌گه‌ ده‌س وه‌پيكردگه‌.

سه‌رچه‌وه‌گه‌ وه‌گووره‌ى ئاژانس ئيسناى ئيرانى وت: وسانن به‌رنامه‌ى په‌يوه‌س وه‌ چه‌وديرى وه‌خته‌يل به‌رهه‌مهاوردن يۆرانيۆم و به‌رهه‌مهاوردن ئاو قورس وه‌شيوه‌يگ نادياريكرياێ له‌ دامه‌زرياێ ئاراك له‌و به‌رنامه‌يله‌سه‌ ك وه‌ جددى چه‌ويرێ ئه‌كريه‌ێد و جه‌خت له‌لى كرياگه‌ له‌ ماوه‌ى 60 رووژ جوور گام يه‌كه‌م.

ئه‌و سه‌رچه‌وه‌ ك نه‌تواس ناوى ئاشكرا بدێ يه‌يش ده‌رخست ك به‌رنامه‌يگ دانرياگه‌ و له‌ى نزيكه‌يله‌ ئاشكرا ئه‌كريه‌ێد ئه‌را ئه‌وه‌ك نوێنه‌ره‌يل وه‌جه‌م ره‌ساننه‌يل سه‌ردان دامه‌زرياگه‌يل نه‌ته‌نز و ئاراك بكه‌ن له‌ماوه‌ى رووژه‌يل گوزه‌يشت تا راى گشتى له‌بان ئه‌و رێ وشوونه‌يله‌ ك جيوه‌جى كريانه‌ ئاگادار بدێ.