شه‌فه‌ق نيوز/ باڵیۆزخانەی ئەمریكا لە بەغدا ئاگادارییگ ئه‌را هاووڵاتيه‌يل خوه‌ى له‌ عراق بڵاو كرد ته‌نيا  هەرێم كوردستان له‌لى بترازيه‌ێد لەبارەی خوه‌ينيشانداينه‌يل سوو سێشه‌ممه‌.

ئاگاداريه‌گه‌ى باڵيۆزخانه‌گه‌ى ئه‌مريكا له‌ به‌غدا ئه‌را ئه‌و هاووڵاتيه‌يل ئه‌مريكاس ك ئيسه‌و سوو سێشه‌ممه‌ له‌شاره‌يل عراق بوون، ته‌نيا له‌ هه‌رێم كوردستان له‌لى بترازيه‌ێد، باڵيۆزخانه‌گه‌ پيشبينى كردگه‌ سوو سێشه‌ممه‌ قه‌واره‌ى خوه‌ينيشانداينه‌يل فراوانتر بوون و ئاماژه‌ وه‌يه‌يش كردگه‌ سوو سێشه‌ممه‌ هێز ئه‌منى زياتر له‌ شاره‌يل سه‌ره‌كى عراق بڵاو بكريه‌نه‌وه‌.

يه‌يش له‌وه‌ختيگه‌ ئمڕوو عادل عەبدولمەهدی سەرۆك وەزیره‌يل كاروه‌ڕێخه‌ر عێراق سوو سێشەممە وە پشوو دانا لە یاد رزگاركردن چەن شاريگ عراق له‌ده‌س تيرۆريسته‌يل داعش، يه‌يش له‌يوا ئه‌كا سوو هاووڵاتيه‌يل عراق پشووه‌گه‌يان وه‌ هه‌ليگ بزانن و ريژه‌يگ زياتريان وه‌ بوونه‌ى ئاهه‌نگه‌يل ئى ياده‌ بچنه‌ ناو خوه‌ينيشانداينه‌يله‌و.