بريتانيا روێ له هه‌ڵوژاردنه‌يل پيشوه‌خته ئه‌كا
شه‌فه‌ق نيوز/ بۆريس جۆنسون سه‌رۆك وه‌زيره‌يل بريتانيا، ئاشكراى خواست وڵاته‌گه‌ێ كرد ئه‌را ئه‌نجامداين هه‌ڵوژاردنه‌يل پيشوه‌خته‌ى ته‌شريعى، دوياى ئه‌و هه‌يواين نه‌خوازرياگه ك كه‌فته‌و له ئه‌نجومه‌ن گشتى، ك ئه‌نجدامه‌يل ره‌زامه‌نى ده‌رخستن له‌بان ياداشيگ له‌باره‌ى دوياخستن مه‌سه‌له‌ى ده‌رچگن بريتانيا له يه‌كێتى ئورپا له 31 ئوكتۆبه‌ر.
ئه‌نجومه‌ن گشتى ئه‌و بڕياره وه زوورمينه‌ى 328 ده‌نگ وه‌رانوه‌ر 301 ده‌ينگ ده‌ركرد، وه‌ل 21 ئه‌ندام ك پاريزگارى له ياداشته‌گه كردن دژ وه مه‌يل جۆنسۆن ك قه‌وڵ دا بريتانيا ده‌ربكا له يه‌كێتى ئۆرپا له كووتايى مانگ ئاينده.
جى باسه، يه‌يش له‌وه‌ختيگ حكومه‌ت كه‌فته نواى دانيشتن ده‌نگداين وه ئعلانيگ ك له‌تى داواى هه‌ڵوژاردنه‌يل پيشوه‌خته ئه‌كا له 14 ئوكتۆبه‌ر له حاڵه‌تيگ ئه‌گه‌ر ئه‌نجومه‌ن گشتى ده‌نگ وه خواست سه‌رۆكه‌كه‌ى نه‌يا.
