بريتانيا له‌وه‌ر ده‌رچگنى له يه‌كێتى ئۆرپا ئاماده‌س 40 مليار يۆرۆ بيه‌ێد
2017-08-06 05:52:00
شه‌فه‌ق نيوز/ رووژنامه‌يگ بريتانى له زووان سه‌رچه‌وه‌يل حكومى ئه‌وه ده‌رخست ك بريتانيا ئاماده‌س ئه‌را داين نزيكه‌ێ 40 مليار يۆرۆ(47 مليار دۆلار)له چوارچيوه‌ێ ريككه‌فتن ئه‌را ده‌رچگنى له يه‌كێتى ئۆرپا.
رووژنامه‌ێ سه‌نداى ته‌ليگراف وت: بريتانيا وه هويچ شيوه‌يگ ئاماده‌يش نيه ئه‌و پويله بيه‌ێد مه‌گه‌ر له چوارچيوه‌ێ فراوانتريگ ك ريككه‌فتن بازرگانى وه‌ل يه‌كێتى ئۆرپا بگرێده خوه‌ێ.
جى باسه، زويتريش بريتانيا ئاشكراێ ئه‌وه كرد ك ئاماده‌س ئه‌را هه‌ر پابه‌ندييگ شايسته، وه‌لێ هويچ شماره‌يگ دياريكرياێ له‌ى باوه‌ته‌و پيشكه‌ش نه‌كرد.
