شه‌فه‌ق نيوز/ دۆناڵد ترامپ سه‌رۆك ئه‌مريكى، دوياى دانيشتنى له‌ په‌كين وه‌ل وه‌ل شى جين بينغ سه‌رۆك چينى، ئاشكراى ئه‌وه‌ كرد ك دڵنياسه‌ له‌ وجوود چاره‌سه‌ر ئه‌را قه‌يران كۆرياى باكوور.

ترامپ ئرا سه‌رۆك چينى له‌ سه‌ره‌تاى دانيشتن ناونيان وت: ئى دانيشتنه‌ فريه‌ خاسه‌و باس له‌ كۆرياى باكوور ئه‌كه‌يم و منيش باوه‌ڕم ئه‌وه‌سه‌ چاره‌سه‌ر ئى قه‌يرانه‌ وجوود ديرێد.

جى باسه‌، سه‌رۆك ئه‌مريكى جه‌خت له‌بان جموجويل گورجيش كرد ئه‌را چاره‌سه‌ر قه‌يران كۆرياى باكوور و داوايش له‌ سه‌رۆك چينى كرد هه‌وڵ فيشتر بيه‌ێد له‌ى باوه‌ته‌و، چوينكه‌ وه‌قسه‌ى خوه‌ى وه‌خت زوێ گوزه‌ر ئه‌كا.