تره‌مپ جواو خواست ئيران داره‌و له‌باره‌ى دانيشتن: نه سوپاس
2020-01-26 07:33:25
شه‌فه‌ق نيوز/ دۆناڵد تره‌مپ سه‌رۆك ئه‌مريكا، وه گورجى جواو ره‌ته‌وكردن دا له‌باره‌ى ئه‌و نمايشه ك محه‌مه‌د جه‌واد زه‌ريف وه‌زيرى خارجيه‌ى ئيرانى خسته‌سه‌ى روێ ئه‌را دانيشتن.
تره‌مپ له‌لاپه‌ڕه‌ى تايبه‌ت خوه‌ى له ماڵپه‌ڕ كۆمه‌لايه‌تى تويته‌ر نويساگه: وه‌زير خارجيه‌ى ئيرانى ئويشێد ئيران ئه‌خوازێد دانيشتن وه‌ل وڵاته‌يل يه‌كگرتگ ئه‌نجام بيه‌ێد، وه‌لێ وه‌مه‌رج لاوردن سزايه‌يل.
تره‌مپ له جواو ئه‌و خواست ئيرانه نويساگه: نه سوپاس
جى باسه، زه‌ريف له ديمانه‌يگ رووژنامه‌گه‌رى ئاماده‌يى وڵاته‌گه‌ى ده‌رخست ئه‌را دانيشتن وه‌ل وڵاته‌يل يه‌كگرتگ له‌وه‌ر چاره‌سه‌ر كيشه‌يل ناونيان، له‌وانه‌يش دوسيه‌ى ئه‌تۆمى، وه‌لێ وه‌مه‌رجيگ سزايه‌يل له‌بان ته‌هران لاوريه‌ێد.
