تره‌مپ ره‌زامه‌نى له‌بان كلكردن هيز سه‌ربازێ ئه‌را دو وڵات عه‌ره‌بى نيشاندا
2019-09-21 08:59:04
شه‌فه‌ق نيوز/ دوياى چه‌سپانن سزايه‌يل تازه‌يگ له‌بان ته‌هران, دۆناڵد تره‌مپ سه‌رۆك ئه‌مريكا، رازێ بوێ له‌بان كلكردن هيزه‌يل زيايه‌ێ ئه‌مريكى له‌وه‌ر پته‌وكردن وه‌رگريه‌يل ئاسمانى و مووشه‌كى سعودى دوياى ئه‌و په‌لاماره‌يله ك ئه‌نجام دريان ئه‌را بان دو دامه‌زرياگ نه‌فتى له شانشين.
له‌ى باوه‌ته‌و، مارك ئه‌سپه‌ر وه‌زيرى وه‌رگرى ئه‌مريكى، وت: له‌وه‌ر نواگيرى له زيايبوين گرژێ، سعوديه داواى ده‌سميه‌ت ناوده‌وڵه‌تى كردگه ئه‌را مقه‌يه‌تيكردن له ژيرخان شانشين عه‌ره‌بى سعودى و وه‌هان شيوه ئيماراتيش داواى ده‌سميه‌ت كردگه.
وه‌زيرى وه‌رگرى ئه‌مريكى زياتر باس كرد و وت: تره‌مپ له‌وه‌ر ئه‌و هه‌ردوگ داواكاريه ره‌زامه‌ندى نيشانداگه له‌بان كلكردن هيزه‌يل ئه‌مريكى وه‌رگريكه‌ر ك وه‌شيوه‌يگ بنه‌مايى دقه‌ت له‌بان چه‌ك ئاسمانى و وه‌رگرى مووشه‌كى ئه‌كا.
