ته‌ندروستى جه‌هانى: ڤايرۆس كۆرۆنا وه هه‌ماهه‌نگى كۆنترۆڵ ئه‌كريه‌ێد
2020-03-06 08:42:28
شه‌فه‌ق نيوز/ ريكخرياگ ته‌ندروستى جه‌هانى وت: په‌تاى كۆفيد - 19 ك له‌جه‌هان بڵاوه‌و بويه‌و سه‌ره‌تايشى له چين، تويه‌نريه‌ێد كۆنترۆڵ بكريه‌ێد، وه‌لى يه‌يش ته‌نيا وه هه‌ماهه‌نگى ناونى حكومه‌ته‌يل جه‌هان ئه‌دێ.
له‌ى باوه‌ته‌و، تيدرس ئه‌دهانۆم جيبريسوس وه‌ڕيه‌وبه‌ر گشتى ريكخرياگ ته‌ندروستى جه‌هانى له باره‌گاى ريكخريايه‌گه له جنێف وت: داوا له‌گشت ده‌وڵه‌ته‌يل ئه‌كه‌يم جموجويل وه‌په‌له بكه‌ن وه‌ل هه‌ڵويسته‌گه‌و وه ئيراده‌ى ئاشكرايگه‌و.
تيدرس نگه‌رانى خوه‌يشى ده‌رخست له باره‌ى بڕيگ له ده‌وڵه‌ته‌يل ك وه‌جددى گووش وه بارودوخه‌گه نه‌يانه‌و بڕياريگ نه‌يرن له‌ى باوه‌ته‌و له‌ڕوێ كرده‌وه‌و وت: ئيسه وه‌خت خود وه‌ده‌سه‌وداين و وه‌خت عوزرخوازى نيه، ئيسه وه‌خت هه‌وڵداينه وه‌گشت توانايگ.
