شەفەق نیوز/ تورکیا ئمڕوو سێشەممە، تومەتبار ئیمارات کرد وە ئاژاوەناین لە خوەرهەڵات ناوڕاس، و دەسوەردانەیلیان لە لیبیا و یەمەن.
مەولود چاویش ئۆغڵۆ وەزیر دەرەوەی تورکیا، وڵام ئه‌و رخنەیل دا ك له‌ تورکیا گیریاس له‌باوه‌ت دەور داشتنی لە ململانەی لیبیا و ئه‌وه‌ ک چه‌كدار وڵاوە کردیە، وهاوکار بویە لە رەسانن جەنگاوەرەیل سوری ئەرا پشتگیری حکومەت فەرمی ئه‌و وڵاته‌ .
ئیمارات و میسر ک پشتگیری هێز خوەرهەڵات لیبیا کەن (سوپای نیشتیمانی لیبی)، وەسەرپەرشتی خەلیفە حەفتەر ک خوازید بچودە ناو پایتەختەگە، دویەکە دووشەممە بەیاننامەیگ هاوبەش دەرکردن وەل یۆنان و قەبرس وفەڕەنسا رەت دەسوەردان سوپای تورکیا لە لیبیا ئه‌كه‌ن.
چاویش ئۆغڵو ئەرا تەلەفزیۆن ئەکیت تورکی وت؛ ئیمارات و میسر ودەوڵەتیلیگتر ( ناویاد ناورد) خوازن ئاژاوە لە گشت ناوچەگە دروس بکەن ، بەڵکم خوەی رخنەگەی وه‌تایبه‌ت لە ئەبوزەبی بی.
وتیش؛ ئەگەر بپرسێد کی ئارامی ناوچەگە تێک دەێد، کی ئاژاوە تیارێد، وەبی وسانن ئوشیمن ئەبوزەبی. لەراسی ئەوان ئەو هێزەن ک ئارامی لیبیا شیوانن و ویران یەمەن کردن.