شەفەق نیوز/ دویای وەکرهاوردن ماسک مقەیەتی، وه‌تایبەت دەمامەک، جوور رەفتار کۆنەیگ ئەرا نواگردن لە زیانیگ بڕەسێدە لەش ئایەم، تایبەت شوینە ناسکەگان جوور سور هەناس؛ ولەوەختیگ وەرین دەمامەک وەکار هاوریا لە بڕیگ دەوڵەت لەلایەن کارمەنەیل تایبەت ئەوانە ک گەشەی پیشەسازی دین، وپیکهاتەیل پیشەیی خراویگ لەکارکردنیان پەیابووی، جوور کارگایل تەماکو وبەرهەم جگارە، هەرلیوا کارگایل بەهەمهاوردن پێکهاتە کیمیاوەی وپاکرەوەگان، و وەکاهاوردنی لەلایەن پزشکەیل لە قۆناغەیل کارەیل نەشتەرگری، هەرلیوا ناڕەزایەیل لە بڕیگ دەوڵەتەیل جهان دژوە ئەو گازە ک پۆلیس ئەرا چویچانیان وەشنێدەی.
ئیجا پەتای کۆڤید١٩ هات ک پەیاکەر ڤایڕۆس کۆڕۆناس. تا وەکارهاوردن دەمامەک بخەێدە ئاست گەورایگ گشت جهان بگریدەو. بی گومان وەکارهاوردن دەمامەک بویە فەرمانیگ چەسپیاگ لە فرەی وڵاتەیل جهان ئەرا نواگردن پەتای کۆڕۆنا، بیجگە پاکەوکردن وخاس دەسشوردن وەردەوامی، و وەقەی دەمچەو نەدان و هەمیش وەقەی دەمامەک وەیەکجاری.
جی باسە ک رێکخراو تەندروسی جهانی وەرجەیە هووشداری دا لە رەفتارەیل خراویگ لەمەوقەی وەکارهاوردن دەمامەک، وهووشداری دا لە وەکارهاوردن دەمامەک تەڕ یا دڕیاگ یا وشا.
هەرلیوا هووشداری دا لە ناین دەمامەک تەنیا لەبان دەم بیجگە لووت یا وەپێچەوانەو، وداواکرد ک دەس وەقەیەو نەدریەێد یا لەشوین خوەی نەجویلیەێد لەمەوقەی قسەکردن، یا هەر رەفتاریگ بیلێد دەس بنریەێدە بانی، هەمیش داواکرد ک بایەسە دەمامەک وەکارهاوریاگ دویر بخریەێد لە دەس مناڵ، ونەبایەس جاریگتر وەکار باریەێد.
رێکخراوه‌ نەتەویەگە روژ جومعەی وەرین راگەیان ک زانیارە نووگان دیارخستن ک ماسك دەمچەو توێنێد بوودە نواگیەریگ لە ئەو پرشە کە شایەت پەتا لەناوی بوود. ئەویش دویای ئەوە هات ک لەوەختیگ وەرین دووپاتکرد ک بەڵگەی دڵنیایی نیە ئاماژە بیەێد وەئەوە ک بایەسە کەسەیل تویشنەهاتگ دەمامەک وەکاربارن، دکتۆر ماریا ڤان کیرخۆف ژنە پسپۆڕە پیشەیەگە ک تایبەتە وە بیماری کۆڤید-١٩ ئەرا ئاژانس شەفەق نیوز وت؛ تەمەیەگە ئەوەسە ک مەردم ماسکیگ وەپەڕو وەکاربارن، واتە دەمامەک نا پزشکی.
جی باسە ک رێژەی تویشهاتن وە ڤایڕۆس کۆڕۆنا لەجهان تا ئیسە رەسیە سنور هەفت مەلیۆن تویشهاتگ، ومردگەیل لە ٤٠٠ هەزار رەد کرد وەگورەی دویاترین ئامار.