شه‌فه‌ق نيوز/ مايك بنس جيگر سه‌رۆك ئه‌مريكى له‌وه‌خت سه‌ردانه‌گه‌ى ئه‌را ناوچه‌ى مه‌رزى قه‌يه‌غه‌كرياگ چه‌ك ناونى هه‌ردوگ كۆرياى باكوور و باشوور باس له‌وه‌ كرد ك ملله‌ت وڵاته‌گه‌ى هه‌ميشه‌ هه‌وڵ ره‌سين وه‌ ئاشتى داگه‌، وه‌لێ ئه‌مريكا له‌ڕى وه‌كارهاوردن هيز هه‌وڵ ئاشتى داگه‌.

بنس ك له‌ناو باڵه‌خانه‌ى ئه‌لحوڕيه‌ وه‌ دويرى چه‌ن مه‌تريگ له‌ خه‌ت جياكه‌ر ناونى هه‌ردوگ كۆرياى باكوور باشوور قسه‌ كرد وت: وڵاته‌يل يه‌كگرتگ هويچ هه‌ڵبژارده‌يگ ئه‌را چاره‌سه‌ر كيشه‌ى به‌رنامه‌يل باليستى و نه‌وه‌وى كۆرياى باكوور دويره‌و نيه‌خه‌ێد.

بنس له‌ ئاوايى بانمونغوم مه‌رزى وت: له‌ساڵ 1953 ئمزاى وسانن ئاگربه‌س كرياگه‌و واشنتۆنيش خوازيار ئاشتيه‌ له‌ناوچه‌گه‌ له‌ڕى هووكاره‌يل ئاشتيانه‌و دانيشتن، وه‌لێ گشت هه‌ڵبژارده‌يگيش باس كرياگه‌و هايم وه‌ل كۆرياى باشوور.