شه‌فه‌ق نيوز/ نرخ نه‌فت خام ئه‌مريكى به‌رزه‌و بوى ئه‌را به‌رزترين ئاست له‌ ماوه‌ى دو ساڵ تائيسه‌ يه‌كه‌مجاره‌ له‌يوا به‌رزه‌وبوينيگ، ئه‌ويش دوياى ده‌ركه‌فتن به‌يان چاڵ هه‌ڵكه‌نه‌يل ئه‌مريكى ك چالاكيه‌يل هه‌ڵكه‌نديان روێ له‌ داوه‌زين كردگه‌‌ له‌ وڵاته‌يل يه‌كگرتگ.

له‌ى باوه‌ته‌و، نه‌فت خام خوه‌رئاواى تكساس وه‌ ئاست 1,10 دۆلار به‌رزه‌و بوى ك ئه‌كاده‌ 2 له‌سه‌د و هه‌ر به‌رميليگه‌ ره‌سيه‌ 55,64 دۆلار، ك يه‌يش به‌رزترين ئاسته‌ له‌ ته‌ممووز 2015ه‌وه‌.

جى باسه‌، نه‌فت خام برنت وه‌ ريككه‌فتنه‌يل ئاجليش 1,45 دۆلار به‌رزه‌و بوى، ك ئه‌كاده‌ 2,4 له‌سه‌د و هه‌ر به‌رميليگى ره‌سيه‌ 62,07 دۆلار.