خامه‌نه‌يى فه‌تواى تايبه‌ت ده‌ه‌ركرد ئه‌را رووژه‌گره‌يل ره‌مه‌زان له سه‌رده‌م كۆرۆنا
2020-04-19 09:19:59
شه‌فه‌ق نيوز/ عه‌لى خامه‌نه‌يى رابه‌ر باڵا له ئيران، فه‌توايگ ده‌ركرد له‌باره‌ى رووژه‌گرتن له مانگ ره‌مه‌زان له سه‌رده‌م بڵاوبوينه‌وه‌ى ڤايرۆس كۆرۆناى تازه.
وه‌گووره‌ى ئاژانس"فارس"، خامه‌نه‌يى فه‌تواى ئه‌وه داگه: ك نادى له مانگ ره‌مه‌زان رووژه نه‌گيريه‌ێد، مه‌گه‌ر كه‌سه‌گه دڵنيا بدێ له‌وه‌گ رووژه‌گرتن كاريگه‌رى له نه‌خوشيه‌يگه‌ى ديريد ك زياتريو ئه‌كا يا چاره‌سه‌ركردنى دويا ئه‌خاو له هه‌مان وه‌خت بايه‌سه راوێژ پزيشك له‌باره‌يه‌وه وه‌ربگيريه‌ێد.
خامه‌نه‌يى له جواو پرسياريگ ك له‌لايه‌ن نويسينگه ره‌ساننه‌گه‌يه‌و بڵاو كريا، وت: رووژه‌گرتن له سه‌رده‌م ئيسه‌ى كۆرۆنا ئه‌ركيگه خودايى و له ڕاسييش نعمه‌تيگه تايبه‌ت ئه‌را به‌نه‌يلى و يه‌كيگه له بنه‌مايه‌يل ته‌واوبوين و نيشانه‌يل رووحى ئاده‌ميزاد.
