خه‌و سه‌روه‌خوه‌يى كه‌تالۆنيا له دادگاى ئسپانى كووتايى وه‌پى هاوريا
2017-10-31 17:03:00
شه‌فه‌ق نيوز/ دادگاى ده‌ستوورى ئسپانى، بڕياريگ ده‌ركرد ئه‌را وسانن ئعلانكردن سه‌روه‌خوه‌يى كه‌تالۆنيا، ئه‌ويش له جواودانه‌وه‌ى ئه‌و داواكاريه ك حكومه‌ت مه‌دريد پيشكه‌شى كرد.
له‌ى باوه‌ته‌و، سه‌رچه‌وه‌يگ دادوه‌رى وت: ليژنه‌ى دادگاگه ك دانيشتنيگ وه ئاماده‌بوين گشت ئه‌ندامه‌يلى ساز كرد، ئه‌و ئعلان سه‌روه‌خوه‌ييه وسان ك رووژ جومعه‌ى گوزه‌يشت په‌رله‌مان كه‌تالۆنى گرته‌ى خوه‌ێ.
جى باسه، زويتريش هيزيگ له پاسه‌وان مه‌ده‌نى ئسپانى وشكاننيگ له باره‌گايه‌يل پۆليس هه‌رێم كه‌تالۆنيا ئه‌نجام دا له په‌يجوريكردنيگ په‌يوه‌س وه راپرسى له‌بان سه‌رخوه‌يى ك مه‌درێد وه ناده‌ستوورى تاريفى كرد.
