شه‌فه‌ق نيوز/ سه‌رچه‌وه‌يل ميديايى له‌ زووان وه‌رپرسه‌يليگ له‌ هه‌واڵگرى ئه‌مريكى ئه‌وه‌ ده‌رخستن ك ريكخرياگ ترۆريستى داعش له‌ زانكۆێ موسڵ مينه‌يليگ دروسكردگه‌ له‌ناو ئامێر كۆمپيته‌ر ده‌سى ك ئه‌گه‌ره‌يل ئه‌وه ديرێد ئامێره‌يل ناو ته‌ياره‌خانه‌يل كه‌شفى نه‌كه‌ن.

وه‌رپرسه‌يل ئه‌مريكى باس له‌وه‌ كردن ك باوه‌ڕيان ئه‌وه‌سه‌ ئى كرده‌وه‌يل ريكخرياگ داعشه‌ هه‌وڵ تازه‌يگه‌ له‌ دروسكردن ته‌قينه‌وه‌يليگ و تواناى ئه‌وه‌ ديرێد له‌ناو ئامێر كۆمپيته‌ر بشاريه‌نه‌و.

ئه‌و سه‌رچه‌وه‌يله‌ ئاماژه‌ وه‌يه‌يش كردن ك ئى هه‌وڵ دروسكردن ته‌قينوه‌يله‌ له‌ئاكام ئه‌و بڕياره‌ هاتگه‌ ك واشنتۆن داره‌ێ له‌باره‌ى قه‌يه‌غه‌كردن خاوه‌ن ئامێره‌يل كۆمپيته‌ر له‌ناو ته‌ياره‌يل له‌ ته‌ياره‌خانه‌يل.