ده‌سڵاته‌يل ئه‌مريكى ئاڵاى رووسى له‌بان باڵه‌خانه‌يل له واشنتۆن لاوردن
2017-10-12 06:33:00
شه‌فه‌ق نيوز/ نيكولاى لاخونين قسه‌كه‌ر رووژنامه‌نويس له باڵوێزخانه‌ى رووسى له واشنتۆن، جه‌خت له‌وه كرد ك وزاره‌ت خارجيه‌ى ئه‌مريكى ئاڵايه‌يل رووسى له‌بان باڵه‌خانه‌ێ نوێنه‌رايه‌تى بازرگانى رووسى له واشنتۆن لاوردگه.
لاخونين له جواودانه‌وه‌ى پرسياريگ "سبوتنيك" له‌باره‌ێ ئه‌وه‌گ ئه‌گه‌ر ئاڵاى رووسى له‌بان باڵه‌خانه‌ێ نوێنه‌رايه‌تى بازرگانى لاورياگه، جه‌خت كرد و وت: به‌ڵێ ئاڵاى رووسى له‌بان ئه‌و نوێنه‌رايه‌تيه لاورياس.
جى باسه، باڵوێزخانه‌ێ رووسى له وڵاته‌يل يه‌كگرتگ له‌بان لاپه‌ڕه‌ى تايبه‌ت خوه‌ێ له توێته‌ر و فه‌يسبوك وت: ئمڕوو ئاڵاێ رووسى له‌بان باڵه‌خانه‌ى نوێنه‌رايه‌تى بازرگانى لاورياگه له‌لايه‌ن ده‌سڵاته‌يل ئه‌مريكى له واشنتۆن و داوايش له وڵاته‌يل يه‌كگرتگ كرد واز له كاره‌يل ئستفزازى دژ وه روسيا بارێد.
