شەفەق نیوز/ ئەرا یەکەم جار لە ماوەی ٧٥ ساڵ، بریتانیا وردەکاری نامیەگ ئاشکرا کرد ک هێزەیل ئەڵمانی رەوانەی کردۆید لە دویادویای جەنگ جیهانی دویەم و وەرژە یە نەزانستیایە،.
سکای نیوز، روژ جومعە باس کرد؛ ک وەرژە کۆتایی جەنگ جیهانی دویەم، بریتانیا نواگیر پەیام پەیوەندیەیل نازی کردۆید ك پێشکەوتن هیزەیل هاوپەیمانەیل لە ناو زەوی ئەڵمانیا دیاری کەێد.
پەیامەگە له‌ (باخچەی بیلیچی) بارەگای سەرەکی ئۆپراسیۆن شیەو کردن پەیامەیل لە بریتانیا خونریاس و ئه‌و باره‌گا وەردەوام تا دویا دویای روژەیل جەنگەگە كاركرد تا بریتانیا شوون ئاسایش هاوپەیمانەیل بمینێد. تۆنی کومەر مێژوو نویس وت؛ بڵاوکردن پەیامەگە وەبونەی (روژ سەرکەفتن لە ئۆڕۆپا) بۆچون زیرەکانەیگ نیشان دەێد لە بان ئەو کەسەیل كه‌ وه‌ شیوه‌ی راستەقینە ده‌ور داشتنه‌ لە پشت ئامێر جەنگ.
سەربازیگ وە روتبەی مولازم لە نامەگەی ئویشێد؛ هێزەیل هاوپه‌یمانی هاتنە ناو شار کۆکسهاڤین، ساعەت دوو نیمەڕو، روژ ٦ ئایار.
وتیش؛ گشت پەیامەیل رادیۆ ئەوەسە وسیەنەو، وداوای سەرکەفتن ئەرا هاوڕێەلی کرد، ک ئی پەیامە دوینن. وڵام ئی پەیامە ئەوەبوی ( گشت چشتیگ ئەوەسە بەسیەێد).