شه‌فه‌ق نيوز/ ماڵ چارمگ ئاشكراى ئه‌وه‌ كرد ك دۆناڵد ترامپ سه‌رۆك ئه‌مريكى ده‌س له‌كاركيشانه‌وه‌ى مايكڵ فلين راوێژكار ئاسايش نه‌ته‌وه‌يى قه‌بول كردگه‌و جه‌نراڵ كيس كلوغ له‌شوونى دامه‌زرانگه‌ تا وه‌ختيگ به‌ديليگ له‌جياى ديارى ئه‌كريه‌ێد.

له‌ى باوه‌تيشه‌و، هووكاره‌يل ره‌سانن ئه‌مريكى ئه‌وه‌ ده‌رخستن ك ده‌س له‌كاركيشانه‌وه‌ى فلين له‌ ئاكام مه‌سه‌له‌ى په‌يوه‌نديه‌يلى وه‌ روسياوه‌ بويه‌ له‌وه‌خت حوكم باراك ئۆباما سه‌رۆك وه‌رين ئه‌مريكى.

جى باسه‌، رووژ دوشه‌ممه‌ى گوزه‌يشت ماڵ چه‌رمگ باس له‌وه‌ كرد ك ترامپ مه‌زه‌نه‌يگ بارودوخه‌گه‌ ئه‌كا له‌باره‌ى ئه‌و گفتگووه‌ ك فلين وه‌ل باڵوێز رووسى ئه‌نجامى داگه‌ له‌ واشنتۆن له‌وه‌خت ئۆباما.