شەفەق نیوز/ پسپۆریگ لە زانکۆی ئیکسفۆرد بریتانی وت ؛ ئاشکراکردنە نووەگان دەرخستن ک ڤایڕۆس کۆرۆنا خوەی ڤایڕۆسە نادیارەگە بوی، لە گشت جهان بویەی، تا لە ژینگەی گونجیاگیگ لە چین دیاردا، چوونکە تەمەڵ بوی.
و مەزەنە گشتەیەگە تا ئیسە لە باوەت ڤایڕۆسەگە ئەوەسە ک خوەی دەسکردە و لە بازاڕ خواردەمەنی دەریایی لە شار ووهان چینی، لە دویادویای ساڵ ٢٠١٩ بڵاوه‌و بی . بەڵکم فرە لە بۆچونەگان باسکردن ک کۆرۆنا لە ناوچەیلیگ لە دەیشت چین دەرکەفت، ك تا ئیسە نەچەسپیاگە.
تۆم جیڤیرسون، پسپۆڕەگە ک لە ناوەند پزشکی ک لەبنەمای بەڵگە کارکەێد لە زانکۆی ئیکسفۆرد باسکرد؛ ک زەنجیەی ئاشکراکردنەوەی نوو هەس دیارخەێد ک کۆڕۆنا لە ناوچەیلیگ لە جهان بویەسەی ، وەرجە راگەیانن پەیابوینی لە ئاسیا، وه‌تایبەت لە چین، وەگورەی رۆژنامەی تەلیگڕاف بریاتانی.
وتیش: ئەوە بەڵگەی نوویگە لەبان بنچینەی ڤایڕۆسە جهانیەگە، و چەوڕی مەوقە گونجیایەگە کردیاد ئەرا زوینەی بڵاو بوینی.
پسپۆڕە بریتانیەگە دووپاتکرد لە پەیاکردن نموونەیل بویچگیگ لە ڤایڕۆسەگە لە ئیسپانیا و ئیتالیا و بەڕازیل، وەرجە دەرکەفتن کۆڕۆنا لە ووهان. هەمیش داوای لێکۆڵینەوە کرد لە هووکارەگان ک هیشت ڤایڕۆسەگە گەشە بکەێد لە ژینگەیلیگ جوور کارگایل خواردەمەنی و ناوەندەیل سفتکردن گوشت.
وەمەزەنەی جیڤیرسون، شایەت ریەیلیگ تر هەس ئەرا گواستنەوەی پەتای ڤایڕۆسەگە، جوور وەکارهاردن ئاودەس هاوبەش، و سیستم ریکردن ئاوەگەی. بەڵگە لەبان قسەگەی هاورد وەئەوە ک ئینفلاوەنزای ئیسپانی ساڵ ١٩١٨ مردگەیل فرەیگ داشت ، لە رەوشیگ نادیار، ئەرا نموونە، ٣٠ لە سەد لە دانیشتوەیل سامۆی خوارئاوایی مرد، و خوەیان هیچ پەیوەندییگ وە جهان نه‌یاشتن.