راپۆرتيگ بريتانى له‌باره‌ێ قورتاربويه‌يل داعش وشدارێ دا
شه‌فه‌ق نيوز/ بڕيگ له رووژنامه‌يل بريتانى باس له واين ريكخرياگ ترۆريستى داعش كردن له رقه "ناوه‌ند خه‌لافه‌ت ئاشكراكرياێ"، ئه‌ويش له‌ڕى رويماڵكردن و شيه‌وكردن.
له‌ى باوه‌تيشه‌و، كون كوغلين له رووژنامه‌ى ده‌يلى ته‌ليگراف باوه‌تيگ نويسا له‌ژير ناونيشان "سه‌ركه‌فتن بوى له رقه، وه‌لێ يه‌يش ماناى كووتايى تونڕه‌وى ئسلامى نيه"و له‌تى ئويشێد: له‌بارودوخ ئاسايى كه‌فتن شار رقه پايته‌خت ريكخرياگ داعش بويه هووكار ئاهه‌نسازى له ده‌وڵه‌ته‌يل هاوپه‌يمان و له‌ناونيانيش بريتانيا.
كوغلين وه پشتبه‌سانن وه لێدوان ئه‌ندرو باركر وه‌ڕيه‌وبه‌ر ده‌زگاى هه‌واڵگرى بريتانى MI5 ك باس له خه‌ته‌ر ترۆر كرد، وت: هه‌رچه‌نى خه‌و ريكخرياگ ترۆريستى داعش ئه‌را دامه‌زرانن ده‌وڵه‌ت نه‌ڕه‌سيه ئامانج، وه‌لێ تونڕه‌وه‌ى وه ئاسانى له شيوه‌يگه‌و ئاڵشت بويه ئه‌را شيوه‌يگ تر.
جى باسه، كوغلين باوه‌ڕى ئه‌وه‌سه ئه‌و چه‌كداره‌يل سه‌ر وه داعشه ك قورتاريان بويه جاريگتر خوه‌يان گرده‌و ئه‌كه‌ن و ده‌س ئه‌كه‌نه ئه‌نجامداين په‌لاماره‌يليگ له خوه‌رئاوا.
