شەفەق نیوز/ حەسەن روحانی سەرۆک کۆمار ئیران له‌ قسیە تەلەفۆنییگ وەل موستەفا کازمی سەرۆک وەزیران عراق ئەنجام دا.
میدیا فەرمیەگان ئیران ئمڕوو دووشەممە، قسەیل روحانی له‌ پەیوەندیگ وه‌ل كازمی بڵاو کردن ك ئیران وەردەوامی دەێدە پشتگیری حکومەت عیراق ئەرا ئەنجامداین ئەو کارەیلە ک خزمەت وه‌ بەرژەوەنی هاوڵاتەیلی کەێد.
روحانی وتیش؛ ئەوسا و ئیسەیش هایمنە وەل عیراق وهەرچە هالە بەرژەوەنی میلەت هەردگ وڵاتەگە.
لای خوەییش کازمی وت؛ پشتگیری ئیران لە دابین کردن ئاسایش عیراق لە وەخت جەنگ دژ داعش لە هویرمان نیەچوود. کازمی داوای بتەوکردن پەیوەندیەیل وەل تەهران كرد لە گشت باوه‌ته‌یل و رەوش ناوچەگە وە فرە مه‌ترسیدار دانا، ك بەڵکم وە دانایی وعه‌قڵ و دانایی چارەسەر گشت گیشه‌یل بكریه‌ید و باس لە هیوای خوەی کرد لە ری هاوکاری ناوبەین هەردگ وڵات ئه‌را گوزه‌ر لە قەیرانەگان .