شەفەق نیوز/ سەرچەوەیلیگ راگەیانن ئیرانی، ئمڕوو یەکشەممە، خەوەردان لە بڵویزەبوین ئاگریگ لە ناو کارگایگ لە شار تەبریز، ناوەند پارێزگای ئازەربیجان خوەرهەڵاتی، لە پشت زەجیرەیه‌گ رووداو نادیار ک وڵاتەگە لە ماوەیل دویای وەخوەی دی.
ئێزگەی فەرمی کۆمار ئیسلامی ئیران وت: تیمەیل ئاگر کوژێنەوە توێەنستن کۆنتڕۆڵ ئاگرەگە بکەن. و دووپاتکرد لە زەخمداری چوار لە ئاگرکوژێنەوەگان لەوەر رووداوەگە. سه‌رچه‌وه‌گه‌ ئاماژە دا ک هووکار ئاگرەگە و بڕ زەرەدەگان لە ئاگرەگە هیمان دیارنەویە.
چالاکوانەیلیگ لە ماڵپەڕەیل پەیوەندیە کۆمەڵایەتی، ڤیدیۆیه‌یلیگ بڵاو کردن ك لەناوی دووکەڵ بەرزەو بوود لە شوونیگ نزیگ لە جاده‌یه‌گ ، وتن خوەی کارگا سزیایەگەس.