رۆحانى وه مه‌رج وه‌ل ترامپ دانيشێد: هويچ وه‌خت هه‌وڵ ئه‌را چه‌ك ئه‌تۆمى نايه‌يم
2019-08-27 08:37:34
شه‌فه‌ق نيوز/ حه‌سه‌ن رۆحانى سه‌رۆك ئيرانى، ئه‌وه ده‌رخست ك وڵاته‌گه‌ى هويچ وه‌ختيگ مه‌يل ئه‌را وه‌ده‌سهاوردن چه‌ك ئه‌تۆمى نه‌يرێد و جه‌ختيش له‌وه كرد ته‌هران داواى گفتگوو ئه‌كا، وه‌لێ يه‌كه‌مجار بايه‌سه سزايه‌يل ئه‌مريكى له‌بانى هه‌ڵگيريه‌ێد.
رۆحانى باس له‌وه كرد ئه‌گه‌ر واشنتۆن سزايه‌يلێ له‌بان ته‌هران هه‌ڵنه‌گرێد، ئه‌وه بارودوخ ئيسه ئاڵشت نادێ و وت: ئيمه هويچ وه‌ختيگ نه‌وتيمنه ئيمه ئه‌خوازيم چه‌ك ئه‌تۆمى وه‌ده‌س بارێم و وه‌رده‌واميم له كه‌مه‌وكردن پابه‌نديمان وه ريككه‌فتنه‌گه ئه‌گه‌ر ئه‌و سزايه‌يله له‌بنمان هه‌ڵنه‌گيريه‌ێد.
جى باسه، سه‌رۆك كۆمار ئيران، هه‌ميش وت: هه‌ر ئاڵشتكارييگ وه‌ره‌و خاسبوين له هه‌ڵويست ته‌هران كليله‌گه‌ى ها ده‌س واشنتۆن.
