سعوديه فه‌رمان له‌سێداره‌داين كه‌سيگ يه‌مه‌نى ده‌ركرد
2019-12-29 18:00:45
شه‌فه‌ق نيوز/ دادگاى سعوديه فه‌رمان له‌سێداره‌ديان ده‌رهه‌ق كه‌سيگ يه‌مه‌نى ده‌ركرد ك وه چه‌قوو په‌لامار چوار ئه‌كته‌ر ئسپانى داگه له نمايشكردن شانۆگه‌رييگ له مانگ گوزه‌يشت له رياز پايته‌خت، جوور ئه‌وه‌گ كه‌ناڵ ئه‌لئه‌خباريه‌ى حكومى باسى كرد.
وه‌ل ئه‌وه‌يشا دادگاى جه‌زائرى فه‌رمانيگ زيندانيكردن ئه‌را ماوه‌ى 12 ساڵ ده‌رهه‌ق كه‌سيگ تر يه‌مه‌نى ده‌ركرد له ئه‌نجام هه‌مان په‌لامار ك ده‌سڵاته‌يل وتيان ريكخرياگ قاعيده فه‌رمان وه‌پى داگه.
جى باسه، سه‌رچه‌وه‌يل ميديايى سعودى ئاشكراى ئه‌وه كردن ئه‌و په‌لاماره له 11ى نۆڤه‌مبه‌ر گوزه‌يشت ئه‌نجام درياگه له باخچه‌ى شا عه‌بدوڵڵا ك يه‌كيگه له‌و شوونه‌يل ك فيستيڤاڵه‌يل خوه‌شى له‌تى ئه‌نجام دريه‌ێد.
