سه‌رچه‌وه‌ى بڵاوبوينه‌وه‌ى كۆرۆنا يه‌كه‌م تويشهاتنيگ له ماوه‌ى 24 سه‌عات تۆمار كرد
شه‌فه‌ق نيوز/ چين ئاشكراى 13 كه‌س وه ڤايرۆس كۆرۆناى تازه(كۆفيد-19)كرد له رووژ دوشه‌ممه، وه‌رانوه‌ر 14 حاڵه‌ت مردن رووژ يه‌كشه‌ممه، وه‌ل ئه‌وه‌يشا يه‌ك حاڵه‌ت تويشهاتن له ناوچه‌ى هۆبى كرد ك سه‌رچه‌وه‌ى بڵاوبوينه‌وه‌ى نه‌خوه‌شيه‌گه‌س.
وه‌گووره‌ى ده‌سڵاته‌يل ته‌ندروستى چينى، شماره‌ى حاڵه‌ته‌يل مردن له سه‌رجه‌م وڵاته‌گه ره‌سيه‌سه 3226 كه‌س، ك 3111 له‌ليان وه ته‌نيا له ناوچه‌ى هۆبى بويه، ئه‌ويش له كووتايى رووژ دوشه‌ممه، له سه‌ره‌تايى بڵاوبوينه‌وه‌ى ڤايرۆسه‌گه له ديسه‌مبه‌ر گوزه‌يش.
چين به‌رزه‌وبوينيگ له شماره‌ى تويشهاتگه‌يل وه ڤايرۆس كۆرۆناى تازه تۆمار كرد و ئاشكراى تۆماركردن 21 تويشهاتن تازه كرد له كووايى رووژ 16ى مارس، وه‌ل ئه‌وه‌يشا رووژ يه‌كشه‌ممه ته‌نيا 16 حاڵه‌ت تويشهاتن تۆمار كرد، وه‌لێ جياوازى ئه‌وه‌سه له ناوچه‌ى هۆبى ك سه‌رچه‌وه‌ى بڵاوبوينه‌وه‌ى نه‌خوه‌شيه‌گه‌س له گشت جه‌هان كه‌مترين شماره تۆمار كريا له ماوه‌ى 24 سه‌عات ك ئه‌ويش يه‌ك حاڵه‌ت تويشهاتنه.
