سه‌رچه‌وه‌يليگ: "داد و گه‌شه‌وه‌پيداين" وه نيازه داود ئۆغلۆ ده‌ربكا
2019-09-03 08:35:19
شه‌فه‌ق نيوز/ وه‌رپرسيگ توركى ئه‌را ئاژانس روێته‌رز ئه‌وه ده‌رخست ك حزب داد و گه‌شه‌وه‌پيداين فه‌رمانڕه‌وا له توركيا، خوازياره ئه‌حمه‌د داود ئۆغلۆ سه‌رۆك وه‌زيره‌يل وه‌رين و 3 ئه‌ندام تر په‌رله‌مان له حزبه‌گه ده‌ربكا.
ئه‌و سه‌رچه‌وه ك نه‌تواس ناوى ئاشكرا بدێ، وت: ليژنه‌ى ناوه‌ندى حزب داد و گه‌شه‌وه‌پيداين له دانيشتنيگى داواى ده‌ركردن هه‌ر يه‌ك له داود ئۆغلۆ و ئه‌ندامه‌يل ئه‌يهان سفر ئوستۆن و سه‌لجوق ئوزداغ و عه‌بدوڵڵا باشجى كردگه.
جى باسه، پيشبينى يه‌يش ئه‌كريه‌ێد بڕيار كووتايى له‌ى باوه‌ته‌و له ليژنه‌ى ته‌ئديبى حزبه‌گه له ماوه‌ى چه‌ن رووژيگ ئاينده ده‌ربچێد، ئه‌ويش له ئه‌نجام نياز شماره‌يگ له ئه‌ندامه‌يل حزبه‌گه ئه‌را جيابوينه‌وه‌و دامه‌زرانن حزبيگ ركابه‌ر.
