شماره‌ى قوربانيه‌يل"كۆرۆنا"له چين به‌رزه‌و بوێ و ڤايرۆسه‌گه‌يشى ره‌سيه كه‌نه‌دا
2020-01-26 07:35:52
شه‌فه‌ق نيوز/ چين ئاشكراى كرد، شماره‌ى ئه‌و كه‌سه‌يله گيان له‌ده‌سدانه له‌ئه‌نجام نه‌خوه‌شى ڤايرۆس كۆرۆنا ره‌سيه 56 كه‌س و نزيكه‌ى 1975 كه‌سيش وه‌پيه‌و تويش هاتنه.
له‌ى باوه‌ته‌و، ليژنه‌ى ته‌ندروستى نيشتمانى له به‌ياننامه‌يگ وت: وه‌ل وه‌خت نيمه‌شه‌و 25 يه‌نايه‌ر نزيكه‌ى 1975 حاڵه‌ت تويشهاتن وه ڤايرۆس كۆرۆناى تازه له 30 ناوچه له سه‌رانسه‌ر وڵاته‌گه تۆمار كرياگه‌و 324 حاڵه‌ت له‌لى مه‌ترسيداره‌و 56 كه‌سيش گيان له‌ده‌سدانه.
جى باسه، يه‌يش له‌وه‌ختيگه ڤايرۆس ئى نه‌خوه‌شى تازه روێ له چه‌ن ده‌وڵه‌تيگ كردگه‌و له‌وانه‌يش كه‌نه‌دا و ده‌سڵاته‌يل ته‌ندروستى ئه‌و وڵاته ئاشكراى كرد نه ك يه‌كه‌مين حاڵه‌ت له وڵاته‌گه تۆمار كرياگه.
