فره‌نسا ئاماده‌س ده‌سميه‌ت ئيتاڵيا بيه‌ێد و وشدارى له چين و روسيا دا
2020-03-28 08:31:25
شه‌فه‌ق نيوز/ ئيمانۆيل ماكرۆن سه‌رۆك فره‌نسا، ئاماده‌گى وڵاته‌گه‌ى ده‌رخست ئه‌را ده‌سميه‌تداين ئيتاڵيا له روێ وه‌ڕوێ بوينه‌وه‌ى ڤايرۆس كۆرۆناو داوايش له وڵاته‌يل ئۆرپا كرد هاوكارى زياتر بكه‌ن و له هه‌مان وه‌خت وشدارى دا ئيتاڵيه‌يل له‌باسكردن له‌باره‌ى ده‌سميه‌ته‌يل له چين يا روسيا.
ماكرۆن وت: باسه‌يل فريه‌يگ هه‌س له‌بان ده‌سميه‌ته‌يليگ له چين و روسيا، وه‌لێ ئايا ئه‌راچه نه‌ويشيم فره‌نسا و ئه‌ڵمانيا دو مليۆن ماسك و ده‌يان هه‌زار ستره ئه‌را ئيتاڵيا دابين كردگه؟.
سه‌رۆك فره‌نسا هه‌ميش وت: ئى ده‌سميه‌ته به‌س نيه‌و ئه‌يه جوور سه‌ره‌تايگ بويه‌و بايه‌سه گووش نه‌ييمنه ركابه‌ره‌يلمان يا هاوبه‌شه‌يل ناوده‌وڵه‌تيمان و ناخوازيم ئۆروپا ئه‌نانى و به‌شبه‌ش بدێ.
