شه‌فه‌ق نيوز/ ليوا قاسم سلێمانى سه‌ركرده‌ى فه‌يله‌ق قودس له‌ پاسه‌وان شۆڕش ئيرانى، وه‌ قسه‌ په‌لامار شانشين عه‌ره‌بى سعودى و فه‌رمانڕه‌وايه‌يلێ داو وشدارييش دا پاكستان له‌ روێ وه ‌ڕوێ بوينه‌وه‌ وه‌ل ئيران وه‌ بوونه‌ى دارايه‌يل سعوديه‌.

سليمانى هه‌ميش وت وه‌هابيه‌يل بوينه‌سه‌ هووكار ناكووكى و جيايى و خوينڕشانن له‌ ناوچه‌گه‌و هه‌ر وه‌ناو داعشيشه‌و دو وڵات عه‌ره‌بى(عراق وسوريا)ويران كردنه‌و زه‌ره‌ده‌يل فريه‌يگ و زياتر له‌ نيم تريليۆن دۆلار وه‌پيان ره‌ساننه‌و سه‌دان هه‌زار له‌ مه‌ردم بيتاوان كوشتنه‌ بيجگه‌ ته‌قاننه‌وه‌ى زياتر له‌ 3 هه‌زار مزگفت، وه‌لێ ئيران مقه‌يه‌تى له‌و هه‌ردوگ ده‌وڵه‌ته‌ كرد و ئه‌و گه‌رده‌لويل ژه‌هراويه‌ له‌ناوبرد وه‌رجه‌ ره‌سينى ئه‌را مه‌رزه‌يل ئيرانى.

سلێمانى هه‌مش وت: پاكستان ده‌وڵه‌تيگه‌ دووس ئه‌را ئيمه‌و نه‌بايه‌د هويچ لايگ ئيران تاقيه‌و بكاو ئيمه‌ هه‌ڕه‌شه‌ ناكه‌يم و له‌ بنه‌ماى دووسايه‌تيه‌و قسه‌ ئه‌كه‌يم و وه‌پيدان ئويشيم نه‌بايه‌د خاك پاكستان ئاڵشت بكريه‌ێد ئه‌را شوونيگ زه‌ره‌د وه‌ ده‌وڵه‌ته‌يل هه‌رێمى بڕه‌سنێد و له‌وانه‌يش ئيران و هند و ئه‌فغانستان.