شەفەق نیوز/ جەواد کەریمی قدوسی پەڕلەمانتار ئیرانی، سێشەممە، ئاشکرای فەرمانیگ وەرین کرد ک دەرچگە لە سەرۆک حەسەن روحانی، وەرەوانەکردن زیاتر لە ٣٦ ملیار دۆلار ئەمریکی، ئەرا ده‌سه‌و تاقم مافیایی، تا دویای ئەوە رەوانە بکریەێد ئەرا پارێزگای سلێمانی لە هەرێم کوردستان.
قسەگەی قدوسی لە باسکردنیگ ناو دانیشتن پەڕلەمان ئیرانی هات.
پەڕلەمانتارەگە وەوردی باس کۆبونەویگ وەرین کرد ك دەسەی ئاسایش نەتەوەیی گردەو کردوێد، وەهاتن پاێزگار بانک ناوەندی ئەووەختە، وەزارەت هەواڵگیری، پاسەوان شۆڕش ئیرانی و وەزارەت ئابووری، ودیاری کرد ک فۆڵدەر دەنگی و کورتە ڤیدیۆی ئی کۆبونەوە ها لە وەردەس، وەگورەی ئاژانس مهر ئیرانی، ک ئاژانس شەفەق نیوز چەودێریی کردگە.
وتیش؛ لەی کۆبونەوە بڕیارو فەرمان سەرۆک روحانی راگەیانن، وە دەرکردن ٣٦.١ ملیار دۆلار لە گەنجینەی ئیران، ك دریا وه‌ ده‌سه‌و تاقم مافیای پویل وقاچاخ كه‌لوپه‌ل و ماده‌ه‌یل هوشبەری، ك ئه‌وانیش بردنه‌ێ سلێمانی، وەگوەرەی قەسەگەی.
هەمیش وت؛ ٨٠ تەن ئاڵتوون ئەرا ئەی ناوچە ( سلێمانی) کل کریا.