قه‌ته‌ر ئاشكراى 238 حاڵه‌ت تويشهاتن وه ڤايرۆس كۆرۆنا كرد
2020-03-11 18:20:05
شه‌فه‌ق نيوز/ ده‌سڵاته‌يل قه‌ته‌رى، ئاشكراى تۆماركردن 238 حاڵه‌ت تويشهاتن وه ڤايرۆس كۆرۆناى تازه كرد له وڵاته‌گه.
وه‌زاره‌ت ته‌ندروستى قه‌ته‌رى جوور ئه‌وه‌گ ئاژانس "قنا"ى فه‌رمى ئاماژه وه‌پيكرد، باس له تۆماركردن 238 حاڵه‌ت تويشهاتن وه ڤايرۆس كۆرۆنا(كۆفيد - 19)كرد له ده‌وڵه‌ت قه‌ته‌ر وه‌بوونه‌ى تيكه‌ڵبوين وه‌ل سێ حاڵه‌ت ك زويتر ئاشكرايان كريا وه‌و ڤايرۆسه.
وه‌زاره‌ته‌گه وت: ئى حاڵه‌ته‌يل تازه ك تۆمار كريانه له‌و كه‌سه‌يله‌نه ك خريانه‌سه كه‌ره‌نتينه له‌وه‌ر ئه‌نجامداين رێ وشوون خواست له‌وه‌ختيگه‌و ئه‌و سێ حاڵه‌ت هاتگه ئاشكرا كريان و ريگرى له تيكه‌ڵبوينيان كريا وه‌ل كه‌سه‌يل تر له كۆمه‌ڵگا.
