كۆنگرس ئاشكراى هه‌زاران داعشى ئوردنى كرد
شه‌فه‌ق نيوز/ راپۆرتيگ كۆنگرس ئه‌مريكى جه‌خت له‌وه كرد ك نزيكه‌ى 4 هه‌زار ئوردنى چينه‌سه ناو ڕزه‌يل ريكخرياگ ترۆريستى داعش له عراق و سوريا له ساڵ 2011 تائيسه، ك وه يه‌يش ئوردن ئه‌دێده دويه‌مين گه‌وراترين سه‌رچه‌وه‌ى خوه‌يبه‌خشه‌يل بيگانه ئه‌را داعش له شوون تونس.
له‌ى باوه‌ته‌و، راپۆرت ده‌زگاى توێژينه‌وه‌يل له كۆنگرس له باره‌ى ئوردن ك له شووبات گوزه‌يشت ده‌رچى، ئه‌وه ده‌رخست ك مه‌سه‌له‌ى چگن وه‌ناو ڕزه‌يل تريكخرياگ ترۆريستى داعش ته‌نيا هه‌ر له شار مه‌عان نيه له باشوور شانشينه‌گه، به‌ڵكوو شاره‌يل تريش له‌باكوور ئه‌و وڵاتيشه گرته‌سه‌و جوور ئربد و ئه‌لسه‌لت.
جى باسه، راپۆرته‌گه ئاماژه وه‌يه‌يش كرد ك شانشين ئوردنى ناڵنيد وه‌ده‌س كيشه‌يل دريژ ماوه‌يگ و له‌وانه‌يش فه‌قيرى و گه‌ناته‌كارى و يه‌واشى په‌ره‌سه‌ندن ئابوورى و به‌رزه‌وبوين ريژه‌ى بيكارى و كووچكردن هه‌زاران كه‌س له‌وه‌ر گه‌ردين له‌شوون كار.
